Bharata Natyam e brezhoneg

«D'al lec'h ma'z a an dorn ez a ar sell

D'al lec'h ma'z a ar sell ez a ar spered

D'al lec'h ma'z a ar spered emañ ar galon

El lec'h m'emañ ar galon e tiwan ar from»

Abhinaya Darpana (melezour ar jestr)

Un nevezenti evit ar yezh…

Alies e klaskomp doareoù nevez da bleustriñ war ar brezhoneg ha da ledanaat hec'h implij.

Dre an dañs e c'heller labourat war ar yezh, ar c'horf, sevenadurioù ar bed, lakaat an dud da gemer perzh en un arvest… ha reiñ plijadur !

Hag a-bouez eo lakaat ur mennoz diazez da dalvezout : strewiñ brezhoneg e pep lec'h ha prouiñ e c'hellomp treuzkas gantañ kement tra a garomp.

Raktresoù liesseurt da sevel…

Ar simplañ eo aozañ stajoù evit dizoleiñ an dañs met dedennus-kenañ eo ledanaat ar mennozh ha labourat war raktresoù hag a liamm an dañs ouzh ar c'hontadennoù, ar sport, ar yoga, ar sonerezh, sevenadurioù ar bed… Ha dreist e vefe sevel un arvest dañs kinniget e brezhoneg, ur gwir veaj e bro an doueed !

Evit ar raktresoù e brezhoneg kit e darempred gant Yvon Bourlès
06.89.30.14.06

yvon.bourles@orange.fr

an heizez hag an tigr

Montpellier : un arvest kontadennoù ha dañs

Ar Bharata-Natyam : kontadennoù dañset

Dañs klasel Su India eo ar Bharata-Natyam, kozh-kenañ (ouzhpenn 2000 bloaz) ha dañset e veze en temploù gant dañsourezed sakr. Kinnig a ra tammoù eus ar vitologiezh hag implijout a ra ur seurt yezh dre sinoù evit « istitlañ » ar c'hanaouennoù.

Dre ma vez koregrafiet darvoudoù eus buhez an doueed, n'emañ ket pell ar Bharata-Natyam diouzh bed ar c'hontadennoù. Meur a wech hon eus kenlabouret gant kontourien. E skolioù ha kreizennoù-dudi hon eus kaset stajoù ivez da geñver raktresoù pedagogel.